بسم الله الرحمن الرحيم
الحمد لله اللي انعم عليا بعد عمر كبير اني يكون عندي اصحاب واصدقاء في معظم محافظات مصر وكلهم متداخلين بشكل او باخر في الحياه السياسيه والاجتماعيه في محافظاتهم .. فحبيت اعرف منهم ايه اخبار رموز الحزب الوطني في محافظاتهم وبيعملوا ايه دلوقتي
وعرفت اللي جاي ده
من اسيوط حتى قنا .. ثالث اقوى رجل في الحزب في العهد البائد ( عبد المحسن صالح ) او رئيس الصعيد وهو رجل الحزب الوطني في الصعيد ومن اهم نشاطاته والتي يعلمها كل رجل وشاب في الصعيد من اسيوط الى قنا
الاستيلاء على اراضي الدوله سواء كانت زراعيه او للمباني
اكبر تاجر اثار في الصعيد بكامله
اكبر مشتري لمؤسسات الدوله الحكوميه بارخص الاسعار اللي هي الخصخصه
كل رجال مجلس الشعب والشورى في الصعيد رجالته وبيستفيدوا معاه ومنه
بيعمل ايه دلوقتي ؟
بيعمل لقاءات مع الشباب وبيقول لهم انه يا ما قال في الحزب لازم تغيير ولازم نعتمد عالشباب وان الفساد استشرى ( على فكره ده الي قاله بالحرف الواحد ) وعلى فكره الناس كلها عارفه انه كذاب والناس كلها هتنتخبه لو رشح نفسه تاني لانه معاه فلوس كتير جدا وبدا يعمل خدمات بالفلوس اللي سارقها
في بورسعيد ( الحسيني ابو قمر )
كان مستقل ونجح لانه عمل مشكله مع المحافظ من زمان وسمعت في بورسعيد ونجح باكتساح .. اول ما نجح انضم للحزب الوطني
والمعلومه الاهم انه اكتر واحد في مصر سرق اراضي من الشباب اللي الدوله خصصتها لهم وده كلام جهات التحقيق
دلوقتي بيعمل ايه ؟
بيخطب ود الاخوان وبيعمل زيهم .. شنط رمضان وزيت وسكر وبيقول بالحرف وبكل بجاحه ( انه الوحيد اللي ما اسنفادش من الحزب الوطني )
في الاسماعيليه ( حماد موسى )
الناس كلها في الاسماعيله هتموت تعرف هو جاب ثروته منين بيقولوا انه اتغنى فجأه وبيخطب ود الناس هنا بنادي الاسماعيلي وكرة القدم والمشكله ان في ناس متعلقه بيه علشان الفريق
زيه زي عفت السادات في الاسكدندريه اللي لمع نفسه بعد الثوره بردو بفريق الاتحاد السكندري وادعوا معايا ان الناس ما تربطش ده بمستقبل البلد
وفي الدقهليه وطنطا ودمياط الاوضاع بتتشابه تقريبا
تفتكروا هينجحوا تاني ؟
0 التعليقات:
إرسال تعليق