طنطا زي فرنسا

احم احم .. استعنا عالشقا بالله

معظم الشخصيات في هذا المقال لا يستحقون الاحترام يعني من الاخر اللي يزعل منهم يخبط راسه في شاشة الكمبيوتر او في اقرب حيطه
كان الهتاف الاشهر والرئيسي في ثورتنا المجيده هو ( الشعب يريد اسقاط النظام ) ولان النظام له راس فوجب اشقاط راس النظام اولا ثم جاء راس نظام اخر او بالاحرى عدة رؤؤس
فالمجلس العسكري عدة رؤؤس وعصام شرف راس لوحده بحكم انه هو اللي المفروض يختار اللي تحته .... وكانت مهمتم بتقتصر في 3 نقاط رئيسيه وهي
1_ اسقاط النظام ( وهو ده اللي وعدوا بيه .. واصلا ده شيئ بديهي )
2_ تسيير الاعمال ( يعني بالعربي كده يمشوا حال البلد لغاية ما ربنا يفرجها برئيس ودستور وبرلمان )
3_وضع اللبنه الاولى في بناء مصر ( يعني لم الشمل بين المصريين والاستفاده من امكانياتنا البشريه )

طيب بالنسبه لرقم 1 ايه هو النظام اللي المفروض كانوا يسحقوه ( النظام هو رجال الاعمال الفاسدين والوزراء الفاسدين والحزب الوطني ولجنة سياساته )

تعالوا بقى نتابع مع بعض رؤؤس النظام ايه اخبارهم في اقصاء الفاسدين ... يا ترى شغالين في القصه دي ؟ ولا طنطا زي فرنسا

لجنة السياسات في الحزب الوطني المنحل
وده غالبا كان اخر تشكيل ليها

احمد بهجت - احمد عز - ثروت باسيلي - جلال الزوربا - رشيد محمد رشيد - ناصف ساويرس -نجيب ساويرس - سميح ساويرس - سمير رضوان - طارق طنطاوي - فاروق العقده - جمال مبارك - مجدي الدقاق - محمد ابو العينين - محمد شفيق جبر -محمد فريد خميس - محمد مصطفى كمال - منصور عامر - هشام الشريف - هشام طلعت مصطفى .
ممكن يكون في ناس تانيه بس انا مش عارفهم بصراحه
ودلوقتي ممكن نمسح بالبشاوره احمد عز ورشيد محمد رشيد وجمال مبارك وهشام طلعت مصطفى لانهم بيقضوا الاجازه في منتجع طره

احمد بهجت

تمكن أحمد بهجت رئيس شركات بهجت من الحصول على قروض من البنوك تبلغ 6 مليارات جنيها بضمانات مزورة أهمها أرض لا يملكها وتوقف عن السداد.

تم وقف تحقيقات النيابة مع أحمد بهجت وحيل دون احالتة للمحاكمة بتهمة الاستيلاء على المال العام و الحصول على قروض بموجب مستندات مزورة و التوقف عن سدادها.

يـُتهم أحمد بهجت باتباع أساليب غير حميدة في المنافسة لافلاس منافسيه

ودلوقتي احمد بهجت موجود عادي جدا ومشاريعه شغاله وكمان عنده قنوات فضائيه ممكن تلمعه حتى لو كان ملبوس في الرجل مليون مره قبل كده

يبقى احمد بهجت يا رؤؤس ( طنطا زي فرنسا )

ثروت باسيلي

ثروت باسيلى، ملياردير قبطي صاحب عدة شركات للادوية، ورئيس شركة امون للأدوية، وعضومجلس بالتعيين، و وكيل المجلس الملي للاقباط الارثوذوكس، ورئيس شعبة الأدويةباتحاد الصناعات المصريه ، وكيل لجنة الصحة بمجلس الشورى. مدين للبنوك ب 2 مليار و توقف عن السداد.

انا عاوزكوا تاخدوا بالكو من توقف عن السداد دي هتلاقوها في ناس كتير اوي المهم تعالوا نشوف ثروت باسيلي عامل ايه دلوقتي

باشتثناء مجلس الشورى لسه ثروت باسيلي زي ما هو لا والجديده اني عرفت انه صاحب قناة سي تي في القبطيه .. يعني بردو عنده منبر اعلامي ممكن يلمع نفسه بيه احسن من مليون علبة ورنيش ده غير انه بيبع اصول شركة الادويه لشركات اميريكيه

يا ساده يا رؤؤس ثروت باسيلي ( طنطا زي فرنسا )

جلال الزوربا

رئيساتحاد الصناعات المصريه ومصدر الملابس المصري الرئيسي للولايات المتحدة الأمريكية بالتعاون مع إسرائيل حسباتفاقية الكويز رئيس شركة النيل للملابس

المنتجات والأنشطة الرئيسية: قمصان فان هاوزن و بيير كادان . (مدين ب 2 مليار للبنوك ) وتوقف عن السداد

ومن المعروف عن الزوربا انه مهندس اتفاقية الكويز

وتعالوا نشوفوا دلوقتي هو ايه .. زي ما هو بالظبط وما فيش حاجه اتغيرت بس ما عندوش قناه يلمع بيها نفسه .. ممكن اصحابه يلمعوه وممكن يكون ما بيتلبسش كتير

ايها الساده الرؤوس ( جلال الزوربا .. طنطا زي فرنسا )

نجيب ساويرس

طبعا غني عن التعريف ( اغنى راس في مصر ) ومش هنقول عنده ايه لكن هنقول عمل ايه

وقد خصصت الحكومة 100 كيلومتر شمال غرب خليج السويس وقسمتها بين خمس جهات دون الإعلان عن مناقصات أو مزايدات وذلك بواقع خمس جنيهات لكل متر مربع، إلا أن هذه الجهات دفعت جنيهًا واحدا عن كل متر وخصصت المنطقة المذكورة بذريعة تنميتها.

والجهات الخمس التي نهبت المنطقة المذكورة التي دفع رجال الفرقه 19بالجيش الثالث الدم الغالي في استردادها هي احمد عز ومحمد فريد خميس ومحمد ابو العينين ونجيب ساويرس والشركة الصينية.

دلوقتي بعد الثوره ( نجيب ساويرس طبعا اكتر واحد متلمع وبيتهيالي كمان انهم بياخدوا رايه في بعض القرارات وبيتدخل لحل الازمات اللي اشك انه هو اللي بيثيرها

يا رؤوس مصر ( نجيب ساويرس .. طنطا زي فرنسا )

وعلشان ما تزهقوش مني وتقفلوا الصفحه هاختصر واقولكم كل الاسماء اللي فوق مع اختلاف الوانها ومقاساتها زي ساويرس والاخرين وكلهم مترستأين

الجديد ان سمير رضوان هو وزير الماليه

وفاروق العقده محافظ البنك المركزي

وفيهم اساتذه جامعات وطارق طنطاوي رئيس الاتصالات ( يا حلاوة الدنيا يا حلاوه )

كده ممكن نكون اوجزنا في رجال الاعمال واعضاء لجنة السياسات مع بعض لانهن هما هما

ندخل عالوزاره

مين هما الوزاره ؟

• فايزة أبوالنجا “التعاون الدولي والتخطيط”
• الفترة من نوفمبر 2001 – يوليو 2004 ، وزيرة الدولة للشئون الخارجية، والمعنية بوزارة التعاون الدولي بوزارة الخارجية المسئول عن تنسيق جميع أوجه المعونة الخارجية المقدمة إلى جمهورية مصر العربية.
• - الفترة من 1992- 1996، كانت سيادتها مساعدا خاصا لمعالي الدكتور بطرس غالى، السكرتير العام للأمم المتحدة، وفى هذه الفترة اكتسبت سيادتها خبرة قيمة في مجال عمل المنظمات الدولييه
• يعني طنطا زي فرنسا
  

• عاطف عبدالحميد “النقل”

تخرج في الكلية الفنية العسكرية عام 1967. خدم في القوات الجوية المصرية. تعرف على أحمد شفيق وخدم تحت رئاسته. عندما كان أحمد شفيق وزيرا للطيران المدني قام بتعيينه رئيسا لمجلس إدارة شركة مصر للطيران. وعندما عين أحمد شفيق رئيسا لمجلس الوزراء قام بتعيينه وزيراً للنقل والمواصلات. بقى في هذا المنصب في وزارة عصام شرف.

يعني طنطا زي فرنسا

• ابراهيم مناع “الطيران المدني”

ونظم المئات من العاملين بوزارة الطيران وقفة احتجاجية أمام الوزارة للمطالبة بإقالة وزير الطيران الحالي إبراهيم مناع واتهموه بأنه جزء من النظام السابق .. وهدد المشاركون في المظاهرة من المراقبة الجوية والملاحة وديوان عام الوزارة بإيقاف حركة الطيران يوم الأحد القادم في حالة عدم الاستجابة لمطالبهم ورشحوا كابتن طيار توفيق عاصي ليكون بديلا عن مناع الذي وصفوه بتلميذ شفيق .

يعني طنطا زي فرنسا

• د. حسن يونس “الكهرباء والطاقة”
• عشرات الأسئلة، وعلامات استفهام عديدة تتضاعف يوماً بعد يوم، دون أن يكلف الدكتور حسن يونس، وزير الكهرباء والطاقة، أو أى من قيادات وزارته أنفسهم عناء الرد على ما أثارته «اليوم السابع» قبل أسبوعين، حول علاقة نجله وأبناء كبار قيادات الوزارة بشركة «بجسكو» التى تتولى الأعمال الاستشارية للعديد من مشروعات محطات الكهرباء بالأمر المباشر، وبتكلفة تصل إلى مليارات الجنيهات، والتى كان آخرها ما كشفت عنه مستندات رسمية -حصلت «اليوم السابع» عليها- تؤكد أن «الكهرباء» وافقت على منح «بجسكو» أكثر من 360 مليون جنيه مقابل قيامها بالأعمال الاستشارية لمحطة كهرباء واحدة توقف العمل فيها قبل أن يبدأ
  

يعني طنطا زي فرنسا

• د. محمد فتحي البرادعي “الاسكان”
• اعتقد انه استثناء
  

• د. سيد مشعل “الدولة للانتاج الحربي”

حولت الأجهزة المختصة التحقيق فى البلاغ المقدم من مصطفى بكرى، عضو مجلس الشعب السابق، ورئيس تحرير جريدة الأسبوع، ضد سيد مشعل وزير الإنتاج الحربى، الذى اتهمه فيه بإهدار المال العام والتربح من منصبه، والاستيلاء على أموال الإنتاج الحربى، وصرفها فى مصالح شخصية بالمخالفة للقانون، من نيابة أمن الدولة العليا إلى النيابة العسكرية. كان مصطفى بكرى قد تقدم ببلاغ إلى المستشار على الهوارى المحامى العام

يعني طنطا زي فرنسا

• د. سمير الصياد “الصناعة والتجارة الخارجية”

بيتهيالي استثناااااء

• د. جودة عبدالخالق “التضامن والعدالة الاجتماعية والتجارة الداخلية”
• د. محسن النعماني “التنمية المحلية”
• ود. ماجد جورج “الدولة لشئون البيئة”
• د. أشرف حاتم “الصحة والسكان”
• منير فخري عبدالنور “السياحة”
• د. عماد أبوغازي “الثقافة والآثار”
• أحمد حسن البرعي “القوي العاملة والهجرة”
• د. حسن العطفي “الري والموارد المائية”
• د. ماجد عثمان “الاتصالات والتكنولوجيا”
• د. عبدالله الحسيني “الأوقاف”
• نبيل العربي “الخارجية”
• المستشار محمد عبدالعزيز الجندي “العدل”
• اللواء منصور العيسوي “الداخلية”
• عبدالله غراب للبترول
• وعلشان ما اطولش عليكم لاني حاسس انكم زهقتم لاني انا نفسي زهقت نبقى نكمل هي ازاي طنطا زي فرنسا من كل الوجوه في مقالات جايه ان شاء الله
• 
  

http://www.masreat.com/%D8%AA%D8%B4%D9%83%D9%8A%D9%84-%D8%AD%D9%83%D9%88%D9%85%D8%A9-%D8%B9%D8%B5%D8%A7%D9%85-%D8%B4%D8%B1%D9%81/